Իսրայելի նախագահ Իցխակ Հերցոգը շուտով մեկնելու է Վաշինգտոն և հանդիպելու Ջո Բայդենի հետ:
Aljazeera-ն գրում է, որ Հերցոգի այցը ԱՄՆ նախատեսված է հոկտեմբերի 25-26-ը: Այցի շրջանակներում նա հանդիպելու է նաև ամերիկացի այլ բարձրաստիճան պաշտոնյաների հետ:
Նախագահները խորհրդակցություններ են անցկացնելու տարածաշրջանային և միջազգային մի շարք առանցքային հարցերի վերաբերյալ, ինչպես նաև մտքեր են փոխանակելու իսրայելցիների և պաղեստինցիների զարգացման և անվտանգության ապահովման հավասար միջոցների տրամադրման շուրջ:
Իր հերթին Իսրայելի կառավարությունը հայտնել է, որ Հերցոգն ու Բայդենը քննարկելու են ռազմավարական, անվտանգային և տնտեսաական մի շարք հարցեր:
«[Հերցոգի] այցի նպատակն է ամրապնդել Միացյալ Նահանգների և Իսրայելի միջև ամուր գործընկերությունը, ինչպես մաև արտացոլել երկու երկրների միջև առկա խորը հարաբերություններն այս դժվարին ժամանակներում»,- ասվում է Իսրայելի կառավարության տարածած հաղորդագրության մեջ:
Հետևեք մեզ տելեգրամում
