Ուկրաինական պատերազմով պայմանավորված աշխարհաքաղաքական դիմակայությունն աստիճանաբար ընդլայնում է սահմաններն՝ ընդգրկելով ոչ միայն տարբեր միկրո տարածաշրջաններ, այև՝ առանձին նոր խաղացողներ։ Ակնհայտ է, որ Իրան-Ռուսաստան ռազմական համագործակցության արդյունք-հետևանքով այս երկու երկրներն ընդգրկվել են Արևմուտքի «գծած չարի առանցքում»։ Այս դիմակայության նոր մակարդակի քաղաքական և քարոզչական բաղադրիչներն ուղիղ առնչություն են ունենում նաև Հայաստանի վրա՝ երբեմն բացասական ազդեցություն թողնելով։ Նման համոզմունք է հայտնել տարածաշրջանային հարցերով փորձագետ Արմեն ՊԵտրոսյանը:
Փորձագետը նշվածի ակնհայտ օրինակ է համարել Իրանի գերագույն գլխավոր հրամանատարի ավագ խորհրդական, ԻՀՊԿ ցամաքային զորքերի գեներալ Յահյա Ռահիմ Սաֆավիի հայտարարության աղավաղումը։ Փորձագետը հիշեցրել է, որ իրանցի բարձրաստիճան զինվորականը նշել էր, թե 22 երկրներ դիմել են իրանական անօդաչու թռչող սարքեր գնելու խնդրանքով՝ առանց մանրամասնելու, թե որ երկրներն են։
Պետրոսյանն ընդգծել է, որ արհեստականորեն բացվել էր հայտարարության բովանդակությունը՝ ներկայացվելով երկրների ցանկ, մասնավորապես՝ Հայաստանը, Տաջիկստանը, Սերբիան, Ալժիրը, Վենեսուելան, որոնք իբր պաշտոնական հայտ են ներկայացրել իրանական անօդաչու թռչող սարքեր գնելու համար։
Անկախ այն հանգամանքից, իրանցի զինվորականի ակնարկած շարքում գտնվում են նշված երկրները, թե ոչ, առնվազն Հայաստանի տեսանկյունից նման տեղեկատվության տարածումը ներկա շրջափուլում խիստ խնդրահարույց է։ Քանի որ դրա հետևանքով կարող են հավելյալ կերպով թիրախավորվել֊վտանգել Երևանի ռազմաքաղաքական մանևրի առայժմ գոնե տեսական հնարավորությունները։
Հետևեք մեզ տելեգրամում
