Ադրբեջանում շարունակվում են հակաիրանական տրամադրությունները: Բաքվի իշխանություններն, անդավաճան մնալով իր գործելաոճին, դարձյալ ծաղրական երգ են հրապարակել: Այս անգամ թիրախում Իրանն է:
Ադրբեջանի հանրային հեռաուստաընկերությունը ծաղրական երգ է հրապարկել Իրանի մասին՝ այս անգամ էլ որպես գործիք օգտագործելով դեռահասներին: Ադրբեջանցի հաղորդավար Ազիզ Ալիևը մի խումբ դեռահասների նվագակցությամբ երգ է կատարում՝ մեղադրանքներ հնչոցնելով Իրանի հասցեին:
Region Monitor-ը ներկայացնում է երգի բովանադակությունը.
«Արաքսում այս աշուն զորավարժություն անցկացրիր,
Բա ու՞ր էիր մինչ հիմա,
Այն օրն էլ Կապանում՝ չվերանորոգված շենքում
Ներկայացուցչություն բացեցիր արագ-արագ,
Մի երգ երգելով ցույց տվեցիր հասցեն՝ Ադրբեջան, Ադրբեջան:
Ընկերներ են դարձել Փաշինյանն ու Աբդոլլահիանը,
Մեզ ակնարկներ են անում,
Ամեն խոսքի հետ խորտակվում:
Եղբա՛յր, քեզնից մեզ ընկեր դուրս չեկավ,
Գուցե ասես, թե ինչու, գուցե ասես․․․
Անգամ Շեյխուլիսլամը մեղադրանքներ է հնչեցնում,
Ասա՛, ա՛յ Իրան, իսկ ի՞նչ եղավ հավատը:
Ասում եք այդ միջանցքը չի լինի,
Է պետքներս էլ չէ․․․ »
Հիշեցնենք, որ վերջերս դարձյալ նույն հաղորդավարը Ֆրանսիայի նախագահ Էմանուել Մակրոնի մասին էր ծաղրական երգ հրապարակել՝ ցուցադրելով ոչ միայն հեռուստատեսությամբ, այլև տարածելով սոցհարթակներում:
Հետևեք մեզ տելեգրամում
