Հրապարակվել են Իսրայելի խորհրդարանական ընտրությունների վերջնական արդյունքները:
Բենիամին Նեթանյահուն հավաքել է ամենաշատ ձայները: Նոր 25-րդ Քնեսեթում նրա դաշինքը զբաղեցնելու է 64 տեղ՝ համապատասխանաբար «Լիկուդ» կուսակցությունը՝ 32, «Կրոնական սիոնիստական կուսակցությունը»՝ 14, «Շաս»-ը՝ 11 և «Միացյալ Թորայի կուսակցությունը»՝ 7 պատգամավորական մանդատներով:
Կենտրոնամետ կուսակցությունները՝ Յաիր Լապիդի «Յեշ Ատիդ» կուսակցության գլխավորությամբ զբաղեցնելու են 51 տեղ:
Հաջորդ շաբաթ Նեթանյահուին տրվելու է 42 օր՝ նոր կառավարություն ձևավորելու համար:
Ավելի վաղ Յաիր Լապիդը շնորհավորել էր Նեթանյահուին հաղթանակի կապակցությամբ:
«Իսրայել պետությունը վեր է ցանկացած քաղաքական նկատառումներից», – ասել է Լապիդը՝ հավելելով. «Նեթանյահուին հաջողություն եմ մաղթում՝ հանուն Իսրայելի ժողովրդի և Իսրայելի պետության»։
Հետևեք մեզ տելեգրամում
