Թեհրանում և Իրանի մի շարք քաղաքներում բազմահազարանոց երթեր են անցկացվել ՝ ի հիշատակի Շահչերաղի դամբարանի մոտակայքում տեղի ունեցած ահաբեկչության զոհերի: Տեղեկությունը փոխանցում է ISNA-ն:
Երթերի ընթացքում հնչել են նաև «Մա՛հ ԱՄՆ-ին», «Մա՛հ Իսրայելին», «Մա՛հ դավաճան Սաուդյան Արաբիային», «ո՛չ թավշյա հեղափոխությանը» կարգախոսներ:
Երթի մասնակիցները նաև հայտարարություն են տարածել՝ աջակցություն հայտնելով իշխանություններին և կոչ անելով պայքարել խռովարարների դեմ ու լուծել հասարակությանը հուզող խնդիրները:
Ավելի վաղ տեղեկացրել էինք, որ Շիրազ քաղաքի Շահչերազի դամբարանում ահաբեկչություն էր տեղի ունեցել։ Զոհվել էր 15 քաղաքացի, վիրավորվել՝ չորս տասնյակ մարդ :Զոհերի հիշատակին Իրանում եռօրյա սուգ էր հայտարարվել: Իսկ ահաբեկչություն իրականացրած երկու անձինք էլ ձերբակալվել էին: Հաղորդվել էր, որ նրանք «Իսլամական պետություն» ահաբեկչական կազմակերպության անդամներ էին:
Հետևեք մեզ տելեգրամում
