ՀՀ ֆինանսների նախարար Տիգրան Խաչատարյանը հանդիպել է Իրանի արդյունաբերության նախարար Ռեզա Ֆաթեմի Ամինի հետ:
Ռեզա Ամինին ընդգծել է, որ ԵԱՏՄ-ին Իրանի անդամակցությամբ Իրանի ու Հայաստանի հարաբերություններն ավելի լավ և արագ հունով կընթանան:
«Մեզ համար հարևան երկրների, հատկապես՝ Հայաստանի հետ տնտեսական հարաբերությունները մեծ կարևորություն ունեն և հույս ունենք՝ երկկողմ տնտեսական հարաբերություններում մեկնարկած այս գործընթացը կզարգանա ու կամրապնդվի»,- նշել է իրանցի նախարարը:
Ամինին մատնանշել է հայ-իրանական համատեղ նախագծերը և հավելել, որ պետք է հետամուտ լինել նաև տարանցիկ տուրքերի նվազեցմանը:
ՀՀ ֆինանսների նախարարը նշել է, որ եթե համագործակցությունը նույն տեմպով շարունակվի, հաջորդ տարի հնարավոր կլինի առևտրաշրջանառություն ծավալը հասցնել 1 մլրդի, իսկ հետագա տարիների համար նպատակադրվել 3 մլրդի հասցնելու ուղղությամբ:
Նա անդրադարձել է Մեղրիի մաքսակետի վերանորոգմանը՝ հույս հայտնելով, որ մինչև 2025թ. այն կվերանորգվի և օրական 750 բեռնատար սպասարկելու հնարավորություն կստեղծվի:
Հետևեք մեզ տելեգրամում
