Լիբանանի վարչապետի պաշտոնակատար Նաջիբ Միկաթին աջակցություն է հայտնել քրիստոնեական «Մարադա» շարժման առաջնորդ Սուլեյման Ֆրանժիեին՝ հանրապետության նախագահի պաշտոնում:
«Ես լավ հարաբերություններ ունեմ Սուլեյման Ֆրանժիեի հետ և հույս ունեմ, որ նա նախագահ կդառնա»,- ասել է Միկաթին Aljazeera-ի հետ զրույցում:
Վարչապետի խոսքով՝ նոր նախագահը պետք է «ընդունելի լինի» բոլորի համար:
Նշենք, որ Սուլեյման Ֆրանժիեին վայելում է շիայական «Հեզբոլլահ» կուսակցության և նրա դաշնակիցների աջակցությունը:
Ավելի վաղ տեղեկացրել էինք, որ Լիբանանում արդեն 5 նիստ է գումարվել նախագահ ընտրելու համար: Թեկնածուներից ոչ ոք չի կարողացել ապահովել անհրաժեշտ ձայների մեծամասնություն:
Հետևեք մեզ տելեգրամում
