Իրանի դիրքորոշում այն է, որ պետք է հարգել և հարգանքով վերաբերվել երկրների տարածքային ամբողջականությանը և ինքնիշխանությանը։ Այս մասին դեկտեմբերի 21-ին NEWS.am-ի թղթակցի հետ զրույցում ասել է Հայաստանում Իրանի Արտակարգ և լիազոր դեսպան Աբաս Բադախշան Զոհուրին։
Նրա խոսքով՝ Իրանը միշտ նշել է հումանիտար հարցերի կարևորությունը, որոնք առաջ են եկել Լաչինի միջանցքը փակելու հետևանքով, և դա շատ կարևոր է։
«Խնդիրների լուծման լավագույն միջոցը բանակցություններն են և բարյացակամ պայմաններում բանակցություններ վարելը՝ ուշադրություն դարձնելով հումանիտար հարցերին»,- նշել է Հայաստանում Իրանի դեսպանը։
Նշենք, որ այսօր՝ դեկտեմբերի 21-ին ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի, Մեսրոպ Մաշտոցի անվ. Մատենադարանի և ՀՀ-ում ԻԻՀ դեսպանության մշակույթի կենտրոնի նախաձեռնությամբ Մատենադարանում կայացել է «Բազմադարյա պատմամշակութային կապերը որպես հայ-իրանական բարեկամության առհավատչյա» խորագրով աշխատաժողով:
Հետևեք մեզ տելեգրամում
