Ռուսական կողմը պատրաստակամ է Մոսկվայում կազմակերպել Հայաստանի ու Ադրբեջանի միջև խաղաղության պայմանագրի հարցով երկու երկրների արտաքին գերատեսչությունների ղեկավարների բանակցությունների հերթական ռաունդը։ Այս մասին հաղորդում է ՌԴ արտաքին գործերի նախարարության կայքը՝ հավելելով, որ այս մասին նշվել է Ռուսաստանի և Ադրբեջանի ԱԳ նախարարներ Սերգեյ Լավրովի և Ջեյհուն Բայրամովի հեռախոսազրույցում։
«Նախարարները քննարկել են Լաչինի միջանցքի շուրջ իրավիճակի կարգավորման ուղիները։ Շեշտվել է Ռուսաստանի, Հայաստանի և Ադրբեջանի ղեկավարների եռակողմ պայմանավորվածությունների հիման վրա հայ-ադրբեջանական կարգավորման բոլոր ուղիներով աշխատանքի վերականգնման կարևորությունը։ Ռուսական կողմը հաստատել է Մոսկվայում Հայաստանի ու Ադրբեջանի միջև խաղաղության պայմանագրի հարցով երկու երկրների արտաքին գերատեսչությունների ղեկավարների բանակցությունների հերթական ռաունդը կազմակերպելու պատրաստակամությունը», – նշվում է հաղորդագրության մեջ։
Հետևեք մեզ տելեգրամում
