Իրանի Իսլամական Հանրապետությունում փետրվարի 21-ին մեկնարկել են խորհրդարանական ընտրությունները։
Ընտրությունները տեղի են ունենում Իրանի համար բավականին դժվարին քաղաքական և տնտեսական մարտահրավերների պայմաններում։ Պայքարը ծավալվելու է հիմնականում պահպանողական և բարեփոխական ուժերի միջև։
Իրանի խորհրդարանում տեղ է հատկացվում նաև երկրի կրոնական փոքրամասնություններին։ Իրանահայ համայնքը ընտրություններին ներկայանում է ընդհանուր առմամբ 7 թեկնածուով։
Արդեն իրանական լրատվամիջոցները ընտրությունները լուսաբանելիս խոսում են մասնակցության բարձր ցուցանիշի մասին։
Իրանում հետհեղափոխական շրջանում խորհրդարանական ընտրություններին քաղաքացիների ամենաշատ մասնակցությունն արձանագրվել է 1996 թ. Իրանի 5-րդ գումարման խորհրդարանական ընտրությունների ժամանակ (71 |%)։
Ամենաքիչ մասնակցությունը (51 %) արձանագրվել է 2004 թ. կայացած 7-րդ գումարման Մեջլիսի ընտրություններին։
Հետևեք մեզ տելեգրամում
