Քուվեյթում ՀՀ դեսպան Սարմեն Բաղդասարյանը շնորհավորել է Քուվեյթի Անկախության 62-րդ և Ազատագրման օրվա 32-րդ տարեդարձի կապակցությամբ:
Դեսպանը շնորհավորական ուղերձում նշել է, որ ավելի քան 25 տարի Հայաստանի և Քուվեյթի միջև գոյություն ունեն դիվանագիտական հարաբերություններ՝ հիմնված փոխադարձ հարգանքի, արժեքների և սկզբունքների ընդհանուր ըմբռնման վրա։
Դեսպան Բաղդասարյանը երախտագիտություն է հայտնել այն ջերմ ընդունելության համար, որին Քուվեյթում առերեսվել են հայերը՝ անկախության առաջին իսկ օրերից ի վեր:
«Այսօր գոյություն ունի հայկական ծաղկուն համայնք, որն օգտվում է այս երկրի մատուցած բարությունից և հյուրընկալությունից»,- նշել է դեսպանն իր ուղերձում:
Հետևեք մեզ տելեգրամում
