Եգիպտոսի արտգործնախարար Սամեհ Շուքրին այսօր ժամանել է Դամասկոս:
Ինչպես հաղորդում է սիրիական պետական SANA լրատվամիջոցը, Դամասկոսի միջազգային օդանավակայանում նրան դիմավորել է Սիրիայի ԱԳ նախարար Ֆեյսալ Միկդադը:
Եգիպտոսի արտգործնախարարը Սիրիայի նախագահ Բաշար Ալ-Ասադի հետ հանդիպման ժամանակ զորակցություն է հայտնել Սիրիայի ժողովրդին:
Սամեհ Շուքրին վերահաստատել է Եգիպտոսի պատրաստակամությունը՝ շարունակել աջակցել Սիրիային երկրաշարժի հետևանքները վերականգնելու հարցում:
Ուշագրավ է, որ Սիրիայի քաղաքացիական պատերազմի մեկնարկից ի վեր Եգիպտոսի արտգործնախարարն առաջին անգամ էր այցելում Սիրիա:
Ավելի վաղ՝ փետրվարի 7-ին Եգիպտոսի նախագահ Աբդել Ֆաթթահ Աս-Սիսին հեռախոսազրույց էր ունեցել Ալ-Ասադի հետ:
Հետևեք մեզ տելեգրամում
