Ադրբեջանը խախտել է հրադադարն Արցախում. հայկական կողմից տուժածներ չկան

Արցախի Հանրապետության Ասկերանի, Մարտակերտի և Մարտունու շրջանների օկուպացված տարածքներում տեղակայված Ադրբեջանի ԶՈւ ստորաբաժանումները մարտի 2-ին և մարտի 2-ի լույս 3-ի գիշերը խախտել են հրադադարը` կիրառելով հրաձգային զինատեսակներ։

Ինչպես հայտնում է Արցախի պաշտպանության նախարարությունը, հայկական կողմից տուժածներ չկան։ Ներկայումս իրավիճակը շփման գծում հարաբերականորեն կայուն է։

Հրադադարի խախտման մասին հաղորդվել է ՌԴ խաղաղապահ զորակազմի հրամանատարությանը։