Սաուդյան Արաբիայի թագավորն Իրանի նախագահին հրավիրել է Ռիադ

Սաուդյան Արաբիայի թագավոր Սալմանն Իրանի նախագահի Էբրահիմ Ռայիսիին հրավիրել է Ռիադ: Տեղեկությունը փոխանցում է Aljazeera-ն՝ վկայակոչելով Իրանի նախագահի աշխատակազմի ղեկավարի տեղակալ Մոհամեդ Ջամշիդին:

«Նախագահ Ռայիսիին ուղղված նամակում… Սաուդյան Արաբիայի թագավորը ողջունել էր երկու եղբայրական երկրների միջև կնքված գործարքը և նրան հրավիրել Էր Ռիադ»,- Twitter-ի իր միկրոբլոգում գրել է Ջամշիդին:

In a letter to President Raisi, H.E Salman bin Abdulaziz the King of Saudi Arabia welcomed the deal btw the 2 brotherly countries, invited him to Riyadh &called for strong economic/regional cooperation. Raisi welcomed the invitation&stressed Iran's readiness to expand cooperation
— Mohammad Jamshidi (@MhmmdJamshidi) March 19, 2023

Ջամշիդին հավելել է, որ Իրանի նախագահը ողջունել է հրավերը և ընդգծել է պաշտոնական Թեհրանի պատրաստակամությունն՝ ընդլայնելու երկկողմ համագործակցությունը:

Հավելենք, որ օրեր առաջ Իրանն ու Սաուդյան Արաբիան Չինաստանի միջնորդությամբ համաձայնություն են ձեռք բերել դիվանագիտական հարաբերությունների կարգավորման վերաբերյալ: