Այս շաբաթվա վերջին սկսվելու է իսլամական սրբազան պահքի ամիսը՝ Ռամադանը: Պահքը տևելու է 12-ից մինչև 18 ժամ՝ կախված այն հանգամանքից, թե պահք պահող մուսուլմանն աշխարհի որ երկրում է գտնվում: Aljazeera-ն ներկայացրել է, թե որ երկրներում են ամենաերկարատև և ամենակարճատև օրերը:
Աշխարհի հարավային երկրներում, օրինակ՝ Չիլիում կամ Նոր Զելանդիայում ապրող մուսուլմանները ծոմ են պահելու միջինը 12 ժամ, մինչդեռ հյուսիսային երկրներում, ինչպիսիք են Իսլանդիան կամ Գրենլանդիան, մուսուլմանները ծոմ են պահելու 17 ժամից ավելի:
Պահքի շրջանում ցերեկային ժամերին՝ մինչև արևի մայր մտնելը, չպետք է ուտել, խմել, ծխել և սեռական հարաբերություններ ունենալ՝ ավելի մեծ «taqwa»-ի հասնելու համար (taqwa-ն եզրույթ է իսլամում, որն արտացոլում է Աստծուն, ճշմարտությանը, «բարեպաշտությանը, Աստծո նկատմամբ վախին» գիտակից և հաղորդ լինելը):
Մուսուլմանները հավատում են, որ Ռամադանն այն ամիսն է, երբ Մուհամմադ մարգարեն ավելի քան 1400 տարի առաջ հայտնություն է ստացել իսլամի սուրբ գրքի՝ Ղուրանի առաջին սուրահները (հատվածները):
Ինչու՞ է Ռամադանն ամեն տարի տարբեր օրերի նշվում
Ամեն տարի Ռամադանը սկսվում է 10-12 օր շուտ՝ անցյալ տարվա համեմատ: Դա պայմանավորված է նրանով, որ իսլամական օրացույցը հիմնված է լուսնային օրացույցի վրա՝ 29 կամ 30 օր տևողությամբ ամիսներով:
Այս տարի Մեքքայում պահքի առաջին օրը հավանաբար կլինի հինգշաբթի՝ մարտի 23-ին՝ կախված նորալուսնի տեսանելիությունից:
Ուշագրավ է, որ օրինակ 2030 թվականին Ռամադանը կտոնեն երկու անգամ՝ հունվարի 5-ին և դեկտեմբերի 25-ին: Սա ևս բացատրվում է լուսնային և արեգակնային օրացույցերի տարբերությամբ:
Այս ժամանակահատվածում մուսուլմանները միմյանց ողջունում են «Ramadan Mubarak» կամ «Ramadan Kareem» արտահայտություններով՝ մաղթելով օրհնված և առատաձեռն ամիս:
Մուսուլմականան մեծամասնություն ունեցող այլ երկրներում, բացի վերոնշյալ արտահայտություններից, կիրառվում են նաև ողջույնի և բարեմաղթանքների այլ տարբերակներ, ինչպես ներկայացված է ստորև:
Հետևեք մեզ տելեգրամում
