Երեկ Նյու Յորքում Իսրայելի գլխավոր հյուպատոս Ասաֆ Զամիրը հայտարարել է իր հրաժարականի մասին՝ ի նշան բողոքի վարչապետ Բենիամին Նեթանյահուի կողմից պաշտպանության նախարար Յոավ Գալանտին պաշտոնանկ անելու դեմ:
«Պաշտպանության նախարարին պաշտոնանկ անելու վտանգավոր որոշումն ինձ համոզեց, որ ես այլևս չեմ կարող ներկայացնել այս կառավարությանը։ Ինձ ավելի ու ավելի է անհանգստացնում նոր կառավարության քաղաքականությունը, և մասնավորապես, դատական բարեփոխումները, որոնք նա առաջ է տանում», – Twitter-ի իր միկրոբլոգում գրել է Զամիրը:
Գլխավոր հյուպատոսը շեշտել է, որ իր հրաժարականը չի նշանակում, թե նա երես է թեքում Իսրայելից կամ նրա ժողովրդից:
«Որպես Իսրայելի հպարտ քաղաքացի՝ ես կարծում եմ, որ իմ պարտքն է ապահովել, որ Իսրայելը մնա ժողովրդավարության և ազատության փարոս աշխարհում»:
Հետևեք մեզ տելեգրամում
