Մարտի 27-ին Կատարի արտգործնախարարի խորհրդական Աբդուլազիզ ալ-Խուլաիֆին այցելել է Իրան, որտեղ հանդիպումներ է ունեցել Իրանի արտգործնախարար Հոսեյն Ամիր Աբդոլլահիանի և Իրանի ազգային անվտանգության բարձրագույն խորհրդի քարտուղար Ալի Շամխանիի հետ։ Տեղեկությունը փոխանցում է իրանական IRNA լրատվամիջոցը:
Կատարի արտգործնախարարի խորհրադականը բարձր է գնահատել երկու երկրների միջև առկա լավ հարաբերությունները և ընդգծել տարբեր մակարդակներում հարաբերությունների ընդլայնման և զարգացման, ինչպես նաև տարածաշրջանային և միջազգային հարցերի շուրջ խորհրդակցությունները շարունակելու անհրաժեշտությունը:
Իր հերթին Աբդոլլահիանը կարևորել է երկու երկրների համագործակցությունն ինչպես երկկողմ, այնպես էլ տարածաշրջանային և միջազգային մակարդակներում։
Իսկ Ալի Շամխանիի հետ հանդիպման ընթացքում Կատարի արտգործնախարարի խորհրդականը ողջունել է Իրան-Սաուդյան Արաբիա հարաբերությունների կարգավորումն՝ այն համարելով տարածաշրջանի կայունության ու անվտանգությանն ուղղված կարևոր քայլ։
Հետևեք մեզ տելեգրամում
