15-օրյա հետաձգումից հետո Ադրբեջանի նորանշանակ դեսպան Մուխթար Մամեդովը Իսրայելի նախագահ Իցխակ Հերցոգին է հանձնել իր հավատարմագրերը: Տեղեկությունը փոխանցում է The Jerusalem Post պարբերականը:
Ողջունելով Մամեդովին՝ Հերցոգը նրան «պիոներ» է անվանել և նշել, որ ծրագրում է Ադրբեջան այցելել այս տարի:
Պարբերականի տեղեկացմամբ՝ Հերցոգն ու Մամեդովը քննարկել են համատեղ հետաքրքրության մի շարք հարցեր՝ այդ թվում Ադրբեջանում բնակվող հրեական համայնքին առնչվող հարցեր:
Ադրբեջանական ԶԼՄ-ներն իրենց հերթին հաղորդել են, որ մարտի 29-ին՝ Թել Ավիվում կկայանա Ադրբեջանի դեսպանատան բացման արարողությունը, որին կմասնակցի նաև Ադրբեջանի արտգործնախարար Ջեյհուն Բայրամովը։ Վերջինս կհանդիպի նաև Իսրայելի նախագահ Իցխակ Հերցոգի հետ:
Հետևեք մեզ տելեգրամում
