Սիրիայի փոխարտգործնախարարն ընդգծել է իր երկրում թուրքական ներկայությանը վերջ դնելու անհրաժեշտությունը

Մոսկվայում Սիրիայի փոխարտգործախարար Այման Սուսանը հանդիպել է ռուս պաշտոնակից Միխայիլ Բոգդանովի հետ:

Զրուցակիցները մտքեր են փոխանակել Սիրիայի, Ռուսաստանի, Իրանի և Թուրիքայի փոխարտգործնախարարների քառակողմ հանդիպման մասին, որն անցկացվելու է ապրիլի 4-ին:

Այման Սուսանն ընդգծել է Սիրիայի տարածքում թուրքական անօրինական ներկայությանը վերջ դնելու, Սիրիայի ներքին գործերին չմիջամտելու և ահաբեկչությանը հակազդելու անհրաժեշտությունը:

Իր հերթին Բոգդանովը վերահաստատել է Ռուսաստանի դիրքորոշումը՝ շարունակելու աշխատանքը Սիրիայի ինքնիշխանության և տարածքային ամբողջականության նկատմամբ հարգանքն ապահովելու համար։