Թել Ավիվում Ադրբեջանի դեսպանատան բացումը ռազմավարական մեծ սխալ է, որը լրջորեն վնաս է հասցրել մուսուլմանների շրջանում Ադրբեջանի արժանապատվությանը։ Այս մասին հայտարարել է Իրանի խորհրդարանի պատգամավոր Ռուհոլլահ Մոթաֆաքերազադը խորհրդարանի նիստում:
«Մենք թույլ չենք տա, որ իսրայելցիներն ադրբեջանցիների օգնությամբ միջամտեն մեր երկրի աշխատանքին։ Անկասկած, պարտության են մատնվելու»,- պատգամավորի խոսքերը մեջբերում է ISNA-ն:
Մոթաֆաքերազադի խոսքով՝ Իսրայելը տարածաշրջանում խաղաղությունն ու կայունությունը խաթարելու լուրջ ծրագիր ունի և կոչ է արել Ադրբեջանին այդ ծուղակը չընկնել:
«Մեր համբերությունը ռազմավարական է, և խնդրում ենք, որ Ադրբեջանը կանխի իր պաշտոնյաների ու լրատվամիջոցների չմտածված մեկնաբանությունները։ Մենք ցանկանում ենք, որ այս հարաբերությունները պահպանվեն»,- պնդել է պատգամավորը:
Հետևեք մեզ տելեգրամում
