Իրանի խորհրդարանի 210 պատգամավորներ հայտարարություն են տարածել՝ դատապարտելով Իսրայելում Ադրբեջանի դեսպանատան բացումը։
«Ադրբեջանի կառավարությունն անհավատալի և իսլամական աշխարհի շահերին հակասող վարքագիծ է դրսևորել և կեղծ ռեժիմի համար դեսպան է ներկայացրել։ Ադրբեջանի իշխանությունների այս քայլը քաղաքական բացասական շատ հետևանքներ է նրանց համար ունենալու, և մուսուլմանական աշխարհը նրանց սիոնիստական ռեժիմի կողմից ճնշված պաղեստինցիների դեմ հանցագործությունների ու սպանությունների հանցակից է համարելու»,- հայտարարությունը մեջբերում է IRNA-ն:
Իրանցի պատգամավորները այս քայլն անվանել են Պաղեստինի իրավունքների խախտում և կոչ արել «Իսլամական համագործակցության» կազմակերպությանը դատապարտել Ադրբեջանի նման քայլը:
Հետևեք մեզ տելեգրամում
