Ադրբեջանի կարևոր տարածքներն անգամ մոտորանավակներով ու ձկնորսական նավերով են հասանելի, բայց վերածվել են Իսրայելի հետնաբակի: Այս մասին Twitter-ի իր միկրոբլոգում գրառում է կատարել Իրանի խորհրդարանի պատգամավոր Սեյյեդ Նասեր Մուսավին:
«Այն ժամանակ, երբ Իրանի սահմանին ալյուր ու կարտոֆիլ էին ստանում, սիոնիստները որտե՞ղ էին: Երախտագիտությունը ձեզ փեշքեշ, գոնե Սադամի ճակատագրից դաս քաղեք»,- գրել է պատգամավորը:
Նասերի խոսքով՝ Ադրբեջանի շիաները լավ գիտեն, որ «սիոնիստական ռեժիմը» իսլամական աշխարհի հավերժական թշնամին է:
«Զարմանում եմ Ադրբեջանի կառավարիչների խելապակասության վրա: Իրենց կարևոր տարածքները անգամ մոտորանավակներով ու ձկնորսական նավերով են հասանելի, բայց վերածվել են Իսրայելի հետնաբակի»,- նշել է պատգամավորը:
Հետևեք մեզ տելեգրամում
