Իրանի բանակի ցամաքային ուժերի հյուիսարևմտյան շրջանի շտաբի հրամանատար Ալի Հաջիլուն հայտարարել է, որ Կովկասի տարածաշրջանն առանձնահատուկ նշանակություն ունի Իրանի համար:
«Այս տարածաշրջանը, ունենալով աշխարհագրական հատուկ առավելություն և գտնվելով արևելքից արևմուտք ու հյուսիսից հարավ միջանցքներում, ինչպես նաև իսլամի և քրիստոնեության բաժանման կետում, առանձնահատուկ նշանակություն ունի Իրանի համար»,- Հաջիլուի խոսքերը մեջբերում է իրանական qafqaz լրատվամիջոցը:
Իրանցի հրամանատարը հիշեցրել է, որ պաշտոնական Թեհրանի համար կարմիր գիծ է տարածաշրջանի աշխարհաքաղաքական փոփոխությունը: Հաջիլուի խոսքով՝ Իսրայելը ձգտում է Ադրբեջանին հրահրել Իրանի դեմ:
«Մենք Ադրբեջանին մեր մի մասնիկն ենք համարում և այս երկրի նկատմամբ Իրանի ռազմավարական ու մարտավարական համբերությանն ենք ականատես: Անշուշտ, Իրանի զինված ուժերի պատրաստվածությունը զսպող գործոն է մեր երդվյալ թշնամիների դեմ, և այն որ թշնամիները չեն կարողանում խեթ նայել մեր սահմաններին, ցույց է տալիս մեր զինված ուժերի 100%-անոց պատրաստվածությունը»,- ասել է զինվորականը։
Հետևեք մեզ տելեգրամում
