Ադրբեջանի սահմանապահ ծառայությունը հայտարարել է, որ կորոնավիրուսի տարածման պատճառով Վրաստանի հետ սահմանային անցակետերի փակվելու վերաբերյալ լուրերը չեն համապատասխանում իրականությանը։
Ավելի վաղ տարբեր լրատվամիջոցներում հայտնվել էր տեղեկություն այն մասին, որ Վրաստանի կառավարության որոշմամբ Ադրբեջանի հետ սահմանը 2 շաբաթով փակվել է այն բանից հետո, երբ փետրվարի 26-ին Վրաստանում հաստատվեց կորոնավիրուսի առաջին դեպքը։ Հայտնի էր դարձել, որ Կորոնավիրուսի մուտքը Վրաստան տեղի էր ունեցել Ադրբեջանի տարածքով
Ադրբեջանական կողմն ընդգծել է, որ ներկայումս Վրաստանի հետ սահմանը հատելու սահմանափակում չկա:
«Դեռևս այդ հարցի վերաբերյալ որոշում չի կայացվել: Եթե նման որոշում կայացվի հանրությունը կիրազեկվի»,- ասվում է գերատեսչության հայտարարության մեջ:
Հետևեք մեզ տելեգրամում
