44-օրյա պատերազմից հետո Ադրբեջանը դարձել է Իսրայելի զենքի և սպառազինության ամենախոշոր գնորդներից մեկը, իսկ երկկողմ հարաբերություններն ավելի են սերտացել Ադրբեջանից Իսրայել նավթի և գազի արտահանմամբ: Նման տեսակետ է հայտնել Բաքվում Իրանի նախկին դեսպան Մոհսեն Փաքայինը իրանական «Quds» օրաթերթի հետ զրույցում:
Փաքայինը շեշտել է, որ տարածաշրջանում անկայունության, ինչպես նաև Թեհրանի և Բաքվի միջև լարվածության հիմնական պատճառը «սիոնիստական վարչակարգն է»:
Նախկին դեսպանի խոսքով՝ Թեհրանը հատկապես զգայուն է սահմանամերձ շրջաններում «սիոնիստական տարրերի» առկայության հարցում։ Իսրայելը ձգտում է սադրել Թեհրանին և Բաքվին լայնամասշտաբ պատերազմ սանձազերծելու համար։
Փաքայինն անդադարձել է նաև Իսրայելում տիրող ներքաղաքական իրավիճակին՝ հավելելով, որ վարչապետ Նեթանյահուն ներքաղաքական տարբեր խնդիրներով է զբաղված և հանրության ուշադրությունը շեղելու կարիք ունի:
Հետևեք մեզ տելեգրամում
