Իրանի ԱԳ նախարար Հոսեյն Ամիր Աբդոլլահիանը հեռախոսազրույց է ունեցել սաուդցի իր գործընկեր Ֆայսալ բին Ֆարհան Ալ-Սաուդի հետ։ Տեղեկությունը փոխանցում է Իրանի արտգործնախարարությունը:
Կողմերը շնորհավորել են միմյանց Ալ-Ֆիտր տոնի կապակցությամբ։ Բարձր գնահատելով Իրանի և Սաուդյան Արաբիայի արտգործնախարարների վերջին հանդիպումը՝ Աբդոլլահիանը նշել է, որ ԱԳ նախարարության իր գործընկերները և Էր Ռիադ ու Ջիդդա ժամանած պատվիրակությունը փորձում են մինչև հաջջի մեկնարկը վերաբացել Սաուդյան Արաբիայում Իրանի դեսպանությունն ու գլխավոր հյուպատոսությունը։
Կողմերը հույս են հայտնել, որ երկու երկրների արտգործնախարարները շուտով կհանդիպեն Էր Ռիադում և Թեհրանում։
Հետևեք մեզ տելեգրամում
