Արցախում Ադրբեջանի կողմից Լաչինի միջանցի ապօրինի շրջափակման հետևանքով մահացել է երկու մանկահասակ երեխա: Այս մասին Twitter-ի իր էջում գրել է ՀՀ արտգործնախարար Արարատ Միրզոյանը:
«Լաչինի միջանցքի 7-ամսյա շրջափակումը և Լեռնային Ղարաբաղի ամբողջական մեկուսացումն անդառնալի և կործանարար ազդեցություն է թողնում մարդկանց կյանքի վրա. հումանիտար ծանր ճգնաժամի հետևանքով մահացել են ԼՂ բնակիչներ 3 տարեկան Լեոն և 6 -ամյա Գիտան։ 21-րդ դարում:
Սա չպետք է հանդուրժել»,- գրել է ՀՀ արտգործնախարարը:
Հիշեցնենք, որ հուլիսի 7-ին Լեոյի և Գիտայի միայնակ մայրը, Արցախի Մարտակերտ շրջանի Աղաբեկալանջ գյուղում երեխաներին քնած թողներոլվ տանը, դուրս է եկել տնից և ոտքով գնացել Մարտակերտ՝ երեխաների համար սնունդ գտնելու: Արթնանալուց հետո երեխաները սկսել են փնտրել մորը և ի վերջո հոգնելով՝ որոշել են հանգստանալ լքված մեքենայում: Մեքենայում նրանք քնել են և մահացել ջերմային ուժասպառությունից: Ադրբեջանի կողմից Լաչինի միջանցքի լիակատար շրջափակման և վառելիքի բացակայության հետևանքով առաջին անհրաժեշտության պարագաներն անհնար է տեղ հասցնել այնպիսի հեռավոր վայրեր, ինչպիսին է օրինակ Աղաբեկալանջ գյուղը, որտեղ բնակվում էր այս ընտանիքը:
Հետևեք մեզ տելեգրամում
