Այսօր առավոտյան Իսրայելի վարչապետ Բենիամին Նեթանյահուն դուրս է գրվել հիվանդանոցից: Տեղեկությունը հայտնում են իսրայելական ԶԼՄ-ները:
Շաբաթ Նեթանյահուն սրտի վիրահատության էր ենթարկվել երկրի բժշկական կենտրոններից մեկում:
«Ես ինձ հիանալի եմ զգում, բայց լսում եմ իմ բժիշկներին»,- ասել է Նեթանյահուն վիրահատությունից առաջ սոցիալական ցանցերում հրապարակված տեսանյութում։
«Բժիշկներն ասացին, որ դուրս կգրվեմ հիվանդանոցից և կկարողանամ ժամանել Քնեսեթ՝ քվեարկության համար»,- հավելել է Իսրայելի վարչապետը:
Նշենք, որ այսօր Իսրայելի խորհրդարանը պետք է վերջնական ընթերցումներ անցկացնի դատաիրավական բարեփոխումներ իրականացնելու մասին վիճահարույց օրինագծի վերաբերյալ:
Հետևեք մեզ տելեգրամում
