Իրանում կայացել է պաշտոնական արարողությունը՝ երկրի բանակին և ԻՀՊԿ ՌԾՈւ-ին «Աբու Մահդի» թևավոր հրթիռներ մատակարարելու:
Ինչպես տեղեկացնում է իրանական IRNA լրատվամիջոցը, պաշտոնական արարողությունը կայացել է Իրանի ՊՆ ղեկավար Մոհամմադ Ռեզա Աշթիանիի մասնակցությամբ:
Հրթիռի հեռահարությունը 1000կմ է, ինչը հնարավորություն է տալիս բազմապատկել Իրանի ռազմածովային պաշտպանության հեռահարությունը և կարող է ընդգրկել գործողությունների լայն շրջանակ։
«Աբու Մահդի» հրթիռն ընդունակ է խոցել բոլոր տեսակի ծովային թիրախները։ Ցածր բարձրության վրա թռչելու հնարավորությունը թույլ է տալիս հրթիռին աննկատ մնալ թշնամու ռադարների կողմից և կարող է փոխել հետագիծն ու թռիչքի բարձրությունը՝ կախված աշխարհագրական առանձնահատկություններից ու հակառակորդի պաշտպանական համակարգերից:
Հետևեք մեզ տելեգրամում
