Թուրքիան ձգտում է հաստատել տարածաշրջանային հեգեմոնիա՝ հենվելով ջրի կառավարման վրա։ Նման համոզմունք է ներկայացվել իրանական Payamema» օրաթերթում հրապարակված հոդվածում՝ Թուրքիայի ջրային քաղաքականության և դրա հետևանքների մասին։
Ըստ հոդվածի՝ Թուրքիայի նոր ջրային «ԴԱՓ» նախագիծը շատ մեծ ռիսկեր է պարունակում Արաքս գետի հարևան երկրների համար։ Նախագիծը մեծ վնասներ կհասցնի Իրանի հյուսիսային շրջանների գյուղատնտեսությանը, արդյունաբերությանը և կոտնահարի Իրանի բնապահպանական իրավունքները:
«Այս հարցը մեծ վնաս կհասցնի նաև Հայաստանին և Ադրբեջանին։ Խնդիրներ կստեղծվեն նաև «Խոդա Աֆարինի» ամբարտակի համար»,- նշվել է հոդվածում:
Հեղինակը հիշեցրել է, որ Թուրքիան իր շրջանները բարելավելու նպատակով սկսել է Արաքսի վրա մի շարք ամբարտակներ կառուցել, և չի անդամակցում ջրի հետ կապված կոնվենցիաներին, նույնիսկ դեմ է արտահայտվել ՄԱԿ-ի 1997թ. կոնվենցիաներին։
«Այս հարցում պարզաբանումներ խնդրելուց բացի, Իրանը պետք է շտապ հայտարարի «ԴԱՓ» նախագիծը որպես մարդու իրավունքների, միջազգային բնապահպանական օրենքների և ջրային անվտանգության խախտում:
Մյուս տուժած երկրները պետք է խիստ քայլեր ձեռնարկեն նման գործողությունները դադարեցնելու համար»,- շեշտվել է հոդվածում:
Հետևեք մեզ տելեգրամում
