Այսօր Երուսաղեմում՝ Իսրայելի ԱԳՆ շենքի մոտ, տեղի է ունեցել հանրահավաք՝ ի աջակցություն շրջափակման մեջ գտնվող Արցախի ժողովրդի։
Ակցիայի մասնակիցներն Իսրայելի ղեկավարությանը կոչ են արել ազդել Ադրբեջանի վրա և դադարեցնել Արցախում հայերի էթնիկ բնաջնջման փորձը։
«2022 թվականից արցախահայությունը գտնվում է շրջափակման մեջ. չկա սնունդ, չկա դեղորայք, վառելանյութ… Եթե Իսրայել պետությունը չազդի Ադրբեջանի վրա, ապա այս մարդկանց արյունը կլինի նաև մեր երկրի խղճի վրա։ Այս ազգը, որն այժմ գտնվում է սովի և դանդաղ մահվան փուլում, աշխարհին տվեց 24 արդար մարդկանց, ովքեր փրկեցին հրեաներին՝ վտանգելով իրենց կյանքը Հոլոքոստի ժամանակ, քանի որ նրանք իրենք են անցել Ցեղասպանության սարսափների միջով (նույն ցեղասպանությունը, որը դեռևս չի ճանաչվել Իսրայելի պետության կողմից):
Եթե կյանքի սրբությունն ու բարոյականությունը մեր երկրի համար դատարկ խոսքեր չեն դարձել, ապա Իսրայելը պարտավոր է միջամտել և փրկել այդ անմեղ մարդկանց կյանքը»,– նշված է Իսրայելի ԱԳՆ ղեկավարին ուղղված նամակում, որը ակցիայի մասնակիցները մտադիր էին փոխանցել արտաքին գործերի գործակալության ղեկավարին։
Նշենք, որ Իսրայելի ԱԳՆ-ից ցուցարարների մոտ ոչ ոք դուրս չի եկել։
Հետևեք մեզ տելեգրամում
