Թուրք-հունական սահմանի ցամաքային անցակետերի չեզոք գոտում մնացած հազարավոր փախստականներ շարունակում են կենաց-մահու պայքարը հունական կողմ անցնելու համար: Փախստականները փաստացի գերեվարված վիճակում են թուրքական ու հունական սահմանային անցակետերի չեզոք գոտում, քանի որ 2 երկրներն էլ փակել են սահմանը:
Այսօր մարտի 4-ին փախստականների մի ստվար խումբ փորձել է անցնել հունական կողմ, ինչին ի պատասխան հույն սահմանապահները կրակ են բացել նրանց վրա, ինչպես նաև ջրցան մեքենաներ ու արցունքաբեր գազ օգտագործել: Ըստ թուրքական «Internethaber» կայքի հաղորդման՝ միջադեպի հետևանքով մարտական փամփուշտով մահացու վիրավորում է ստացել մեկ անձը չհաստատված փախստական, ևս 5-ը վիրավորվել են:
Թուրքական ոստիկանությունը միջադեպի վերաբերյալ հետաքննություն է սկսել:
Հիշեցնենք, որ փետրվարի 27-ին Սիրիայի Իդլիբ նահանգում սիրիական բանակի ավիահարվածների հետևանքով 34 թուրք զինվորականի սպանությունից հետո Անկարան հայտարարեց, որ այլևս ի վիճակի չի պահել Սիրիայից Թուրքիա շարժվող փախստականներին: Դրանից հետո Թուրքիան բացեց Եվրոպայի հետ սահմանների (թուրք-հունական ու թուրք բուլղարական) իր կողմի անցակետերը, սակայն այդ լուրից հետո դեպի սահման ուղղորդված տասնյակ հազարավոր փախստականները անցնելով թուրքական կողմի անցակետրը հայտնաբերեցին, որ Հունական ու Բուլղարական կողմի անցակետերը փակ են ու մնացին չեզոք գոտում: Փախստականների մի զգալի մասն էլ Էգեյան ծովով են անցնում հունական կղզիներ:
Հետևեք մեզ տելեգրամում
