Աստանայում կայացել է Թուրքիայի նախագահ Ռեջեփ Թայիփ Էրդողանի և Ադրբեջանի նախագահ Իլհամ Ալիևի հանդիպումը։
TRT Haber-ի փոխանցմամբ՝ Էրդողան-Ալիև հանդիպմանը քննարկվել են Թուրքիա-Ադրբեջան հարաբերությունները, տարածաշրջանային և համաշխարհային հարցերը և Իսրայել-Պաղեստին բախումները։
Էրդողանը նշել է, որ Թուրքիայի մարդասիրական օգնության ջանքերը մեծանալու և շարունակվելու են, անհրաժեշտ է համարել, որ միջազգային հանրությունն ուժեղ ուղերձներ հղի Իսրայելի՝ միջազգային իրավունքին համապատասխան գործելն ապահովելու համար, նշել է, որ տարածաշրջանում մնայուն խաղաղությունը հնարավոր կարող է լինել միայն 1967թ․-ի սահմաններով, Արևելյան Երուսաղեմ մայրաքաղաքով, աշխարհագրորեն ամբողջական և անկախ Պաղեստին պետության ստեղծմամբ։
Հանդիպմանն օրակարգում է եղել նաև Թուրքիա-Հայաստան կարգավորման գործընթացը, Ադրբեջան-Հայաստան հետհակամարտային գործընթացի վերջին իրավիճակը։
Հետևեք մեզ տելեգրամում
