«Իրանը ողջունում է Սիրիայի տարածքային ամբողջականության պահպանմանն ուղղված ցանկացած քայլ»,- հայտարարել է Իրանի ԱԳՆ մամուլի խոսնակ Աբբաս Մուսավին:
Իրանի արտաքին քաղաքական գերատեսչության պաշտոնական ներկայացուցիչը, անդրադառնալով հոկտեմբերի 22-ին Սոչիում կայացած Ռուսաստանի և Թուրքիայի նախագահների հանդիպմանը, մասնավորապես նշել է. «Իրանը դրական է գնահատում Սիրիայի հյուսիսում կայունություն հաստատելուն ուղղված Ռուսաստանի և Թուրքիայի ջանքերը: Հուսով ենք ընթացող գործընթացների արդյունքում անվտանգության հետ կապված Թուրքիայի մտահոգությունները կփարատվեն: Իրանը պատրաստ է աջակցել Թուրքիայի և Սիրիայի միջև երկխոսության կայացմանը»:
«Սիրիայի հյուսիսում օտար ուժերի ներկայությունը անվտանգություն հաստատելու երաշխիք չէ»,-նշել է Աբբաս Մուսավին և հավելել. «Տարածաշրջանի խնդիրների լուծումը՝ տարածաշրջանում է: Ամերիկյան զորքերի դուրսբերումը կնպաստի տարածաշրջանում խաղաղության և կայունության հաստատմանը»:
Իրանի արձագանքը Սիրիայի հարցում ռուս-թուրքական համաձայնությանը
Հետևեք մեզ տելեգրամումՎերջին լուրեր
