Իրաքի կապի նախարար Հիամ Ալ-Յասիրին հայտարարել է, որ Ադրբեջանի հետ առևտրաշրջանառության ծավալը 2022 թվականին կազմել է ավելի քան 29 մլն դոլար։ Տեղեկությունը հայտնում է իրաքյան INA պետական լրատվամիջոցը:
Լրատվամիջոցը հայտնում է, որ այսօր Բաղդադում կայացել է իրաքա-ադրբեջանական համատեղ կոմիտեի նիստերը, որոնցից երրորդը՝ Իրաքի կապի նախարար Հիամ Ալ-Յասիրիի նախագահությամբ և Ադրբեջանի տրանսպորտի և թվային զարգացման նախարար Ռաշադ Նաբիևի ներկայությամբ:
Ալ-Յասիրին բարձր է գնահատել «երկու բարեկամ երկրների միջև պատմական հարաբերությունների խորությունը տնտեսական, գիտական և մշակութային ոլորտներում» շնորհիվ 2010 թվականից ի վեր տարվող համատեղ աշխատանքի, «ինչը հանգեցրեց առևտրի փոխանակման և տնտեսական համագործակցության ծավալների ավելացմանն ավելի քան 29 միլիոն դոլարով 2022 թվականին»:
Հետևեք մեզ տելեգրամում
