Վրացական «Formula» հեռուստաընկերության պատվերով «Edison Research» ամերիկյան կազմակերպությունը հանրային կարծիքի հետազոտություն է կատարել` պարզելու Վրաստանում գալիք խորհրդարանական ընտրությունների վերաբերյալ հասարակության կարծիքը:
«Եթե այսօր անցկացվեին խորհրդարանական ընտրություններ, ում օգտին կքվեարկեիք» հարցին պատասխանները բաշխվել են հետևյալ կերպ՝ «Վրացական երազանք»՝ 29%, «Միացյալ ազգային շարժում»՝ 17%, «Եվրոպական Վրաստան»՝ 6%, «Լեյբորիստական կուսակցություն»՝ 4%, «Հայրենասերների դաշինք»՝ 4%, «Լելո»՝ 3%, Ալեկո Էլիսաշվիլիի «Քաղաքացիական շարժում»՝ 2%, Գեորգի Վաշաձեի «Նոր Վրաստան»՝ 2%, Նինո Բուրջանաձեի «Միացյալ Վրաստան — Ժողովրդավարական շարժում»՝ 2%, «Գիրչի»՝ 1%, Կախա Կուկավայի «Ազատ Վրաստան»՝ 1%, Էկա Բեսելիա «Արդարության համար»՝ 1%, Իրակլի Օքրուաշվիլիի «Հաղթանակած Վրաստան»՝ 1%:
Հարցին, «եթե այսօր անցկացվեին խորհրդարանական ընտրություններ, որ կուսակցությանը կամ կուսակցության դաշինքներին կտայիք ձեր ձայները», քաղաքացիների պատասխանները բաշխվել են հետևյալ կերպ՝ բոլոր հիմնական ընդդիմադիր կուսակցությունների դաշինքին՝ 53 %, «Վրացական երազանք»՝ 40 %, «Հայրենասերների դաշինք» և մյուսներ՝ 7 %:
Կազմակերպության հարցումն անցկացվել է ողջ Վրաստանի տարածքում` փետրվար ամսին: Հարցումներին մասնակցել է 2000 մարդ:
Հետևեք մեզ տելեգրամում
