Ամերիկյան «Pixar» ընկերությունը օրերս ներկայացրել էր իր նոր՝ «Դեպի առաջ» անիմացիոն ֆիլմը, որի ցուցադրությունը, սակայն, արգելվել է Մերձավոր Արևելքի չորս երկրներում՝ Քուվեյթում, Օմանում, Քաթարում և Սաուդյան Արաբիայում
Նշվում է, որ պատճառը ֆիլմում միասեռական կերպարի առկայությունն է: Ոստիկանության աշխատակից Սպեկտերը, որին հնչյունավորում է Լենա Ուեյթը, «Disney-Pixar»-ի առաջին միասեռական կերպարն է:
Աղբյուրը գրում է, որ մուլտֆիլմը ցուցադրվելու է Մերձավոր Արևելքի այլ երկրներում՝ Բահրեյնում, Լիբանանում և Եգիպտոսում:
Նախագծի ռեժիսորը Դեն Սկենլոն է։ Գլխավոր դերերը հնչյունավորում են Թոմ Հոլանդը և Քրիս Փրեթը։ Ֆիլմը վարձույթի է հանվել 2020 թվականի մարտի 6-ին։
Հետևեք մեզ տելեգրամում
