Հայաստանի արտաքին գործերի նախարարությունը Բաքվի հայերի ջարդերի 34-րդ տարելիցի կապակցությամբ գրառում է կատարել X-ի միկրոբլոգում։ ԱԳՆ-ն շեշտել է էթնիկ զտումների քաղաքականության կանխարգելման հրամայականն ու բոլոր իրավունքների հասցեագրման անհրաժեշտությունը։
«34 տարի առաջ այս օրերին Բաքվում հայերի դեմ իրականացված ջարդերը դարձան Ադրբեջանական ԽՍՀ-ից հայ բնակչության բռնի տեղահանման և էթնիկ զտումների քաղաքականության գագաթնակետը։ Հարյուրավոր մարդիկ սպանվեցին, անդամահատվեցին և անհետացան, կես միլիոն մարդ փախստական է դարձել: Մենք հարգանքի տուրք ենք մատուցում անմեղ զոհերի հիշատակին և շեշտում ենք նման քաղաքականության կանխարգելման հրամայականն ու բոլոր իրավունքների հասցեագրման անհրաժեշտությունը»,- նշված է գրառման մեջ։
Հետևեք մեզ տելեգրամում
