Իրանի ԱԳ նախարար Հոսեյն Ամիր Աբդոլլահիանը հեռախոսազրույց է ունեցել ռուս պաշտոնակից Սերգեյ Լավրովի հետ։ Տեղեկությունը հայտնում է իրանական IRNA լրատվամիջոցը:
Արտգործնախարարները քննարկել են տարբեր ոլորտներում երկկողմ համագործակցությանն առնչվող մի շարք հարցեր, խոսել տարածաշրջանային զարգացումների, մասնավորապես Գազայում, Եմենում և Կարմիր ծովում տեղի ունեցող կարևոր իրադարձությունների մասին։
Ամիր Աբդոլլահիանն ընդգծել է Թեհրանի և Մոսկվայի միջև համագործակցության զարգացման և ամրապնդման կարևորությունը։
«Մոսկվայի և Թեհրանի հարաբերությունները ռազմավարական են, և Ռուսաստանը հաստատակամորեն հավատարիմ է Իրանի ինքնիշխանությանը և տարածքային ամբողջականությանը, ներառյալ Պարսից ծոցում գտնվող իրանական կղզիները։ Սա Մոսկվայի անփոփոխ դիրքորոշումն է և երբեք չպետք է կասկածի տակ դրվի»,- իր հերթին շեշտել է Լավրովը:
Հետևեք մեզ տելեգրամում
