Թբիլիսիում՝ Եվրոմիության ներկայացուցչության գրասենյակի դիմաց Վրաստանի հայկական համայնքի նախաձեռնությամբ կայացել է ցույց՝ ի պաշտպանություն արցախահայության իրավունքների: Այս մասին տեղեկացնում է Վրաստանի հայկական համայնքը:
Նշվել է, որ ցույցը կազմակերպվել է «Եվրոպացիները հանուն Արցախի» հարթակի նախաձեռնությամբ: Ցուցարարների ձեռքին եղել են պաստառներ՝ «Պաշտպանե՛ք արցախահայության իրավունքնեը», «Ազատությու՛ն հայ գերիներին և բանտարկյալներին» և այլ գրություններով:
Ցույցի մասնակիցները նաև պատրաստել էին անգլերեն լեզվով դիմում-նամակ, որը փոխանցվել է Եվրոմիության ներկայացուցչությանը:
Տեղեկացվել է նաև, որ հունվարի 27-ին և 28-ին «Եվրոպացիները հանուն Արցախի» հարթակի նախաձեռնությամբ նմանատիպ միջոցառումներ է անցկացրել Եվրոպական 55 քաղաքներում:
Հետևեք մեզ տելեգրամում
