Վրաստանում կորոնավիրուսով վարակվածության 3 նոր դեպք է հաստատվել. հիվանդների ընդհանուր թիվը հասել է 33-ի: Այս մասին գրում է aliq.ge-ն:
Նոր վարակվածներից մեկի վիճակը գնահատվում է ծանր, երկուսինը՝ բավարար։ Պարզ է դարձել, որ բոլոր վարակակիրները շփում են ունեցել ռիսկային համարվող երկրներից վերադարձածների հետ։
Վրաստանում այս պահի դրությամբ կարանտինում շարունակում է մնալ 427 մարդ, 73-ը ստացիոնարում՝ բժիշկների հսկողության տակ է:
Վիրուսի տարածման կանխարգելման միջոցառումների շրջանակում Վրաստանն արգելել է մասսայական հավաքները, մի շարք պետական գերատեսչություններ անցել են հեռահար աշխատառեժիմի, արձակուրդներ են բոլոր պետական ուսհաստատություններում, փակ են թատրոններն ու թանգարանները, չեղարկվել են մարզական միջոցառումները, կալանավայրերում արգելվել են տեսակցությունները, մեծ մասամբ չեն գործում ռեստորանները, գիշերային ակումբներն ու խաղատները:
Հետևեք մեզ տելեգրամում
