Վրաստանի իշխող «Վրացական երազանք» կուսակցության գործադիր քարտուղար Մամուկա Մդինարաձեն հայտարարել է, որ խորհրդարանական մեծամասնությունը կրկին կներկայացնի «Օտարերկրյա ազդեցության թափանցիկության մասին» օրենքի նախագիծը։ Այս մասին նա հայտնել է ճեպազրույցի ընթացքում:
Նշենք, որ անցյալ տարվա մարտին այս նախագիծը տարբեր ուժերի կողմից քննադատության առարկա էր դարձել՝ պատճառաբանելով, որ օրինագիծը նման է ռուսականին և ուղղված է արևմտյան հիմնադրամներից դրամաշնորհներ ստացող հասարակական կազմակերպությունների դեմ։
Հիշեցնենք, որ օրենքը վերաբերվելու է օտարերկրյա ֆինանսավորմամբ աշխատող կազմակերպությունների գործունեությանը։ Օրինագծի համաձայն՝ օտարերկրյա աղբյուրներից ֆինանսավորում ստացող վրացական ոչ կառավարական կազմակերպությունները ստիպված կլինեն մուտք գործել «օտարերկրյա գործակալների» ռեեստր։
Հետևեք մեզ տելեգրամում
