Իրանի նախագահ Էբրահիմ Ռայիսին հեռախոսազրույց է ունեցել ՌԴ նախագահ Վլադիմիր Պուտինի հետ։ Տեղեկությունը հայտնում է իրանական IRNA լրատվամիջոցը:
Հեռախոսազրույցի ընթացքում Ռայիսին բարձր է գնահատել Ռուսաստանի կառավարության դիրքորոշումը Իսրայելի դեմ Իրանի «պաշտպանական» գործողության վերաբերյալ՝ ի պատասխան Դամասկոսում Իրանի հյուպատոսության վրա Իսրայելի ավիահարվածների: Ռայիսին նշել է, որ Իրանի գործողությունը իրականացվել է օրինական պաշտպանության իրավունքի շրջանակներում՝ ՄԱԿ-ի կանոնադրության 51-րդ հոդվածի համաձայն։
Վլադիմիր Պուտինն իր հերթին դատապարտել է Իրանի հյուպատոսության դեմ իրականացված ահաբեկչական ակտը և այդ գործողությունը համարել հակասող բոլոր միջազգային չափանիշներին ու նորմերին:
Հեռախոսազրույցի ընթացքում Իրանի և Ռուսաստանի նախագահները քննարկել են նաև առևտրի, անվտանգության, էներգետիկայի, տրանսպորտի, գիտության և տեխնիկայի ոլորտներում երկկողմ համագործակցության ընթացիկ իրավիճակը և հետագա զարգացման անհրաժեշտությունը:
Հետևեք մեզ տելեգրամում
