Թուրքիայի ազգային պաշտպանության նախարարությունը հայտարարել է, որ Աղդամում գործող թուրք-ռուսական մոնիթորինգային համատեղ կենտրոնի աշխատանքները ավարտին կհասցվեն: Այս մասին շաբաթական ամփոփիչ ասուլիսի ժամանակ Թուրքիայի ազգային պաշտպանության նախարարության մամուլի և հասարակության հետ կապերի խորհրդական Զեքի Աքթուրքը:
«Թուրքիայի Հանրապետության և Ռուսաստանի Դաշնության միջև ստորագրված հուշագրով Ղարաբաղի շրջանում հրադադարի վերահսկման և խախտումների կանխման նպատակով 2021թ․ հունվարի 30-ին Աղդամ/Ադրբեջանում ձևավորված Թուրք-ռուսական համատեղ կենտրոնի աշխատանքի ավարտին հասցնելուն ուղղված աշխատանքները շարունակվում են կողմերի փոխհամաձայնեցմամբ»,- հայտարարել է Զեքի Աքթուրքը:
Նշենք, որ երեկ ՌԴ նախագահի խոսնակ Դմիտրի Պեսկովը հաստատել էր, որ Արցախից դուրս են բերվում ռուս խաղաղապահները: Ավելի վաղ այդ մասին գրում էին ադրբեջանական ԶԼՄ-ները:
Հետևեք մեզ տելեգրամում
