Մարտի 18-ին Հայաստանում արձանագրվել է կորոնավիրուսով վարակվածության ևս 6 դեպք: Այս մասին տեղեկացրել է ՀՀ վարչապետ Նիկոլ Փաշինյանը:
«Արձանագրվել է կորոնավիրուսի 6 նոր դեպք: Ընդհանուր դեպքերի թիվը 84 է»,- նշել է Փաշինյանը: Վարչապետը հավելել է, որ այս պահին մեկուսացված է 444 անձ, իսկ 799 մարդու կառավարությունը հորդորել է ինքնամեկուսացվել տներում:
Հիշեցնենք, որ կորոնավիրուսի համավարակի կանխարգելման նպատակով ՀՀ կառավարությունը մարտի 16-ից մինչև ապրիլի 14-ը արտակարգ դրություն է հայտարարել։
Երկրում կորոնավիրուսի առաջին հաստատված դեպքն արձանագրվել էր մարտի 1-ին։ 29-ամյա քաղաքացին Հայաստան էր եկել Իրանից, նա արդեն ապաքինվել է և դուրս գրվել հիվանդանոցից։
Հետևեք մեզ տելեգրամում
