Միացյալ Նահանգները դիտարկում է Հայաստանի մի շարք դիմումներ՝ որոշելու, թե ավելին ինչ կարող է անել Հայաստանի հետ ԱՄՆ-ի աջակցությունն ու համագործակցությունն ամրապնդելու համար: Այս մասին հայտարարել է ԱՄՆ պետքարտուղար Էնթոնի Բլինքենը՝ ԱՄՆ Ներկայացուցիչների պալատի արտաքին հարաբերությունների հանձնաժողովի լսումների ժամանակ:
Միաժամանակ Բլինքենը հիշեցրել է, որ ապրիլի սկզբին Բրյուսելում կայացել է իր համատեղ հանդիպումը Եվրահանձնաժողովի ղեկավար Ուրսուլա ֆոն դեր Լեյենի և Հայաստանի վարչապետ Նիկոլ Փաշինյանի հետ։
Ըստ Բլինքենի՝ այս խորհրդակցությունները եղել են հենց նրա համար, որ որոշեն, թե էլ ինչ կարող են անել ԱՄՆ-ն ու ԵՄ-ն Հայաստանին աջակցելու համար:
Նա նաև հավելել է, որ ՀՀ վարչապետ Նիկոլ Փաշինյանը արտակարգ աշխատանք է կատարել՝ առաջնորդելով իր երկիրը՝ շատ դժվար ժամանակներում: Պետքարտուղարը հավելել է, որ ԱՄՆ-ն հավատում է, որ Հայաստանի և Ադրբեջանի միջև խաղաղության պայմանագիր կստորագրվի։
Հետևեք մեզ տելեգրամում
