Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ է նշանակվել Մագդալենա Գրոնոն: Այս մասին հայտարարություն է տարածել ԵԽ-ը՝ հավելելով, որ Մագդալենա Գրոնոն ծառայության կանցնի սեպտեմբերի 1-ից:
Նշենք, որ Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցչի պաշտոնում Մագդալենա Գրոնոն փոխարինելու է Տոյվո Կլաարին:
Մագդալենա Գրոնոն ազգությամբ չեխ է և ներկայումս ծառայում է որպես Եվրոպական խորհրդի նախագահ Շառլ Միշելի դիվանագիտական գլխավոր խորհրդական: Վերջին 25 տարիներին նա աշխատել է արտաքին քաղաքականության և հակամարտությունների կարգավորման հարցերի ուղղությամբ:Նախքան Շառլ Միշելի կաբինետին միանալը, նա եղել է Եվրոպական խորհրդի նախկին նախագահ Դոնալդ Տուսկի արտաքին քաղաքականության հարցերով խորհրդականը։ Ավելի վաղ Մագդալենա Գրոնոն Միջազգային ճգնաժամային խմբի Եվրոպայի և Կենտրոնական Ասիայի ծրագրերի տնօրենն էր:
Հետևեք մեզ տելեգրամում
