ՀԱՄԱՍ-ի առաջնորդ Իսմայիլ Հանիյեի որդի Աբդուլ Սալամ Հանիյեն հայտարարել է, որ իր հոր սպանությունը չի դադարեցնելու պաղեստինցիների դիմադրությունն Իսրայելի դեմ։
«Հայրս իր հայրենասիրական ճանապարհորդության ընթացքում վերապրեց չորս մահափորձ, և այսօր Ալլահը նրան շնորհել է նահատակությունը, որը նա միշտ ցանկացել է», – ասել է կրտսեր Հանիեն:
Նրա խոսքով՝ Հանիեի սպանությունը չի զսպելու պաղեստինցիների դիմադրությունը:
Aljazeera-ն գրել է, որ հոկտեմբերի 7-ից ի վեր՝ ՀԱՄԱՍ-ի և Իսրայելի զինված ուժերի միջև պատերազմի բռնկումցի ի վեր ՀԱՄԱՍ-ի առաջնորդի ընտանիքի անդամները մշտապես եղել են Իսրայելի թիրախում: Դեռևս հունիսին Գազայի փախստականների ճամբարներից մեկում սպանվել էր Իսմայիլ Հանիյեի ընտանիքի 10 անդամ: Դեռ այն ժամանակ ՀԱՄԱՍ-ի առաջնորդն ասել էր, որ իր ընտանիքի ավելի քան 60 անդամ սպանվել է պատերազմի մեկնարկից ի վեր։ Ավելի վաղ՝ ապրիլին սպանվել էին նաև Հանիյեի 3 որդիները: Իսրայելական ԶԼՄ-ները գրում են, որ սպանվել է նաև Իսմայիլ Հանիեի քույրը:
Հետևեք մեզ տելեգրամում
