Թուրքիայի ու Սիրիայի պաշտպանության նախարարները կարող են առաջիկայում հանդիպել թուրք-սիրիական հարաբերությունների կարգավորման գործընթացի շրջանակներում։ Այդ մասին Reuters-ի հետ զրույցում հայտնել է Թուրքիայի պաշտպանության նախարար Յաշար Գյուլերը։
«Եթե ստեղծվեն համապատասխան պայմաններ Թուրքիան և Սիրիան կարող են նախարարների մակարդակով հանդիպում անցկացնել, կարգավորման գործընթացի շրջանակներում », – ասել է Գյուլերը։
Հիշեցնենք, որ Թուրքիայի նախագահ Ռեջեփ Թայիփ Էրդողանը վերջերս կայացած «Հյուսիսատլանտյան (ՆԱՏՕ) անդամ պետությունների և կառավարությունների ղեկավարների գագաթնաժողովից» վերադառնալիս հայտարարել էր, որ ամեն պահի կարող է Սիրիայի նախագահ Բաշար Ասադին հանդիպման հրավեր ուղարկվել:
Ավելի վաղ էլ Ասադն էր հայտարարել, որ Դամասկոսը բաց է ամեն տեսակ նախաձեռնության՝ կարևորելով Սիրիայի ինքնիշխանության պահպանումը:
Նշենք, որ երկու երկրների միջև դիվանագիտական հարաբերությունները խզվել են Սիրիայում քաղաքացիական պատերազմի սկսվելուց ի վեր։
Հետևեք մեզ տելեգրամում
