Իսրայելը հարվածներ է հասցրել Լիբանանում «Հեզբոլլահի» դիրքերի ուղղությամբ

Իսրայելը հարվածներ է հասցրել Լիբանանի արևելյան Բեքաա հովտում գտնվող «Հեզբոլլահի» զինամթերքի պահեստին, հայտնում է Reuters-ը։ Հրատարակությունը նշում է, որ հարվածների հետևանքով զոհեր չկան։

Լիբանանի առողջապահության նախարարությունը հայտնել է, որ 8 անձ է վիրավորվել, որոնցից 6-ը Լիբանանի քաղաքացիներ են, 2-ը՝ սիրիացի երեխաներ: Ըստ Reuters-ի տվյալների՝ Իսրայելի հետ բախումների սկզբից ի վեր Լիբանանում զոհվել է մոտ 622 մարդ, այդ թվում՝ 416 «Հեզբոլլահի» մարտիկ և 132 խաղաղ բնակիչ։